MIILI YA VIJANA WALIONYONGWA USIKU WA KUAMKIA JANA MJINI ARUSHA

Mauaji ya kutisha yametokea eneo la Chekereni wilaya ya Arumeru mkoani Arusha ambapo watu wasiojulikana wamewaua vijana wanne waendesha pikipiki kwa kuwanyonga, kisha maiti zao kutupwa maeneo tofauti.

Tukio hilo la aina yake limevuta simamanzi kubwa kwa mamia ya wakazi wa jijini hapa ambao walifurika kwenda kwenye chumba cha kuhifadhia maiti cha hospitali ya mkoa-Mount Meru.

Ili kutoa nafasi kwa wananchi kuitambua kwa mara moja, miili ya marehemu iliwekwa nje ya jengo la kuhifadhia maiti huku mojawapo ikiwa imefungwa minyororo mikono yote.

Baadhi ya watu waliwatambua vijana hao wanaokadiriwa kuwa na umri kati ya miaka 25 hadi 35, kwamba walikuwa ni waendesha pikipiki maarufu kwa jina la bodaboda.

Hadi kufikia majira ya saa nane hivi, maiti tatu zilikuwa zimetambuliwa na kuhifadhiwa hospitalini hapo wakati mmoja alikuwa hajatambuliwa.

Maiti zilizotambuliwa hadi muda huo ni zilitajwa kuwa ni za Jumbe Saitobi, Elly Loti na Boshu Maombi. Hata hivyo haikujulikana ni wakazi wa maeneo gani jijini hapa.

Maiti hizo hazikuonyesha majereha isipokuwa mikwaruzo kidogo maeneo ya shingo zilizokuwa zimevunjika, hivyo kuashiria huenda walinyongwa.

Kamanda wa Pilisi wa Mkoa wa Arusha, Thobias Andengenye, hakuwepo ofisini na alipopigiwa simu mara kadhaa hakuwa akipokea simu.