JUMUIYA NA TAASISI ZA KIISLAM TANZANIA WATOA TAMKO KALI

Sasa kususia bidhaa za Marekani.

Moja wa kijana wa kiislam akiwa amenyanyua juu bango lake kama linavyosomeka hapo juu, leo kwenye uwanja wa kidongo chekundu.

Umati mkubwa uliojikusanya leo kwenye viwanja vya Kidongochekundu ..

Na blogger team Tz

JUMUIYA na Taasisi za Kiislm nchini  mapema leo  wametoa tamko kali dhidi ya watu na mataifa yanayokashifu na kuhudharirisha uislam duniani kuachana mara moja kabla ya hatua kali haijafuatwa.

Wakitoa mada na dua mbalimbali  leo kwenye viwanja vya kidongop chekundu, umati mkubwa na wa aina yake wake kwa waume wa kiislam waliokusanyika kutoka pembe zote za jiji la Dar es Salaam  mara baada ya sara ya Ijumaa.

Akitoa tamko hilo kwa nguvu kubwa, na kuhitikiwa na umati huo Katibu Mkuu wa Shura ya Maimamu Tanzania, Shehe Ponda Issa Ponda   aliitaka  Serikali kuchukua  hatua za haraka ikiwemo kutoa tamko kwa hatua ya kukashifiwa kwa Uislam baada ya raia wa Marekani kutengeneza filamu ya udharirishaji.

Shehe Ponda aliitaka Serikali ya Tanzania kuzuia mitandao ya intaneti , dvd na mianya mingine kuacha mara moja kuendelea kuonyesha filamu hiyo ya kumkashifu mtume, huku wakitaka ubalozi wa Tanzania ufungwe mara moja.

“Tamko hili ni la waislam wote wanaompigania Mtume, kuanzia sasa waislam tunagomea bidhaa zote zinazotengenezwa na Marekani pamoja na nchi ya Izraeli na Ubalozi wao hapa nchini ufungwe la sivyo tutachukua hatua zaidi” alisema Sheeh Ponda.

Pia alisema kuwa, suala la kuondolewa kwa Mufti wa Tanzania, Shaaban Simba lipo palepale ambapo wapo katika mipango mikubwa ya kufanya mageuzi ilikuondoa ukandamizwazji wa Uislam  dhidi ya watu wachache wanaotumia mwanya iliopo Baraza la waislam Bakwata.

“Kuondoa uongozi wa Bakwata na ule wa Baraza la Mitihani Necta upo palepale,  tunafanya mipango mikubwa na tutapiga ndege wanne kwa jiwe moja” alisema Ponda huku akishangiliwa na waislam wote waliokusanyika viwanjani hapo

Hata hivyo awali waislam hao nusura zitokee vurugu kubwa baada ya jeshi la Polisi kuuzingira uwanja huo na kuweka alama za hatari ili waislam hao wasikusanyike ndani ya viwanja hivyo, lakini kwa umoja wa waislam hao walijitoa muhanga na kukaidi amri iliyowekwa na askari wa FFU ambapo walikata uzio huo na kuingia kwa wingi.

Waislam hao ambapo waliwatanguliza wanawake, wakiingia hapo huku wakitaja jina la mtume sambamba na mabango yao, waliweza kuwazidi maharifa Polisi na kufanikiwa kuingia ndani huku makundi mengine muda huo huo nayo yakapata upenyo wa kuingia ndani humo.

Kwa hali hiyo jeshi hilo lililazimika kuwaachia licha ya awali kuvunja vifaa vya saiti na kuvizuia kwa muda hasa baada ya kuona umati mkubwa ukiendelea kukusanyika, iliwarudishia na baadae kuweka ulinzi mkali huku wakiwa na magari zaidi ya 10.